I roi blas o sut y byddwn yn cyd-weithio 

• Byddwn yn cyfarfod i drafod holl fanylion y briodas. Dyma siawns i chi ofyn unrhyw gwestiynau am fy ngwaith.

• Os hoffech drefnu sesiwn ddyweddiad, gallwn nodi dyddiad ar gyfer hyn. Rwy’n argymell sesiwn ddyweddiad yn fawr, mae’n siawns gret i ddod i adnabod ein gilydd a gall hwyluso’r broses o dynnu lluniau ar ddiwrnod y briodas. Dim pwysau o gwbl, ond gallwn drefnu amser i gynllunio’r sesiwn mewn digon o bryd cyn y briodas.

• Yn fwy agos at ddyddiad y diwrnod mawr, byddaf yn eich cyfarfod yn lleoliadau’r briodas y a nodi’r manylion gorffenedig ar gyfer y diwrnod.

• Y BRIODAS. Rwy’n cyraedd tua dwy awr cyn y seremoni fel bod cyfle i gael lluniau o’r holl baratoadau yn gyntaf. Yn ystod y dydd, rwy’n symud o gwmpas eich diwrnod yn ddistaw, yn dal pob manylyn fel mae’n digwydd.

• Ychydig dyddiau ar ol y briodas, bydd rhagflas o’r lluniau yn dod i’ch ebost. Gallwch ddefnyddio rhain ar gyfer eich cardiau diolch!

• Tua wyth wythnos yn ddiweddarach, bydd yr albym cyfan yn cael ei yrru i chi ar-lein. Yma bydd yr holl luniau i chi bori drwyddynt gyda teulu a ffrindiau.

• Byddaf yn creu bocs prints moethus i chi hefo’r USB wedi ei gynnwys. Argraffwch eich lluniau, mae hi’n bwysig i gael lluniau ar y wal yn hytrach nag yn gudd ar y cyfrifiadur.

Ydych chi’n teithio ar gyfer priodasau?

Dwi wrth fy modd pan rwyf ar y ffordd i briodas neu brosiect. Mae gen i brofiad o weithio yn lleol yma yng Ngogledd Cymru yn ogystal ag ymhellach yn Sir Gaer, Llundain a hyd yn oed pellach fyth yng ngwledydd Ewrop megis yr Eidal a Sweden.

Ydych chi’n tynnu lluniau cyn y seremoni?

Dwi’n argymell yn fawr i mi gyraedd eich paratoadau o leiaf dwy awr cyn eich seremoni. Mae hyn yn fy ngalluogi i gael lluniau o’r blodau, ffrogiau, siwtiau ac yn y blaen. Dwi’n credu y dylsai’r priodfab a’r briodferch gael lluniau o’r paratoadau cyn y briodas.

Ydych chi angen ffi archebu?

I sicrhau bod eich dyddiad yn saff yn y dyddiadur, rwy’n gofyn am 50% o’r pecyn i’w gadarnhau. Ar ol trafod y manylion a’ch pecyn, gallwn fynd ymlaen i gynllunio’r holl fanylion!

Pryd fydd yr albym ar-lein yn barod i ni?

Y nod yw i gael eich lluniau draw i chi o fewn 12 wythnos. Yn ystod adegau prysur, gall hyn newid on byddaf o hyd mewn cysylltiad i adael chi wybod. Pan fydd y lluniau’n barod, mae croeso i chi ddod i’r swyddfa yn Y Bala i’w gweld, neu os yn anghyfleus, gallaf yrru linc i’r lluniau drwy e-bost i chi.

Fy Ffioedd

Mae fy ffioedd yn edrych yn debyg i hyn felly...

DIWRNOD LLAWN O DYNNU LLUNIAU

yn cychwyn o

£2,100

Pecynnau wedi'u teilwra yn ôl y gofyn

Eisiau albwm?

Rwy'n mwynhau dylunio a gwneud llyfrau lluniau, albymau, printiau a fframiau. Mae'n bwysig iawn manteisio i'r eithaf ar eich lluniau, a byddai gwybod nad yw fy lluniau'n gorwedd yn ddigyffwrdd ar eich gyriant caled yn fy helpu i gysgu'r nos!
Dim ond yr albymau Bellissimo Fin Art gorau rwyf yn eu defnyddio.
Rwy'n cynnig amrywiaeth o gynnyrch, o brintiau ar bapur celfyddyd gain o'r ansawdd gorau i luniau mewn fframiau arbennig a wnaed â llaw.